Տիեզերք․ ուսումնական նախագիծ

«Տիեզերք» ուսումնական նախագիծն ամենամյա է և իրականացվում է կրտսեր դպրոցի 1-3-րդ դասարաններում:

Մասնակիցներ՝ 1-ին դասարանի սովորողներ, ընտանեկան դպրոցներ

Տևողությունը` սեպտեմբեր-հոկտեմբեր ամիս

Նպատակը՝ Շրջակա միջավայրի ճանաչողության միջոցով նպաստել շրջակա միջավայրի պահպանմանն ու բարելավմանը:

Խնդիրները`

• Սովորողների աշխարհաճանաչողության զարգացում, իրեն և շրջակա աշխարհը ճանաչելու հմտությունների ձևավորում.
• Բնական, կենսական միջավայրի ուսումնասիրություն
• Տեսողական-պատկերային մտածողության զարգացում.
• Դիտումներ (դիտարկումներ) կատարելու հմտությունների ձևավորում.
• Առարկաները ըստ որևէ հատկության համեմատելու կարողության ձևավորում.
• Նույն հատկություն ունեցող առարկաների հավաքածու կազմելու կարողության ձևավորում.
• Ծանոթացում առարկաների տարածական առնչություններին՝ վերև-ներքև, առաջ-ետ, աջ-ձախ, բարձր-ցածր, մոտ-հեռու, ներս-դուրս, վրա-տակ, միջև-մեջտեղը
• ՏՀՏ միջոցներից օգտվելու հմտությունների ձևավորում.
• Շրջապատի նկատմամբ հոգատար վերաբերմունքի ձևավորում.
• Ստեղծագործական երևակայության զարգացում:

Ուսումնական գրականության, այլ ռեսուրսների ցանկ

• Ղ. Աղայան․ Առավոտը գյուղում
• Հովհաննես Թումանյան. Լուսաբացին
• Աթաբեկ Խնկոյան․ Գիշեր
• Աթաբեկ Խնկոյան․ Լուսին
• Հանելուկներ, շուտասելուկներ

Նախագծի իրականացման ընթացքը

Լեզվագործունեություն և շրջակա աշխարհ

• Ուսումնասիրել երկինքը դիտումների միջոցով օրվա տարբեր ժամերին՝ տանը և դպրոցում:
• Պատմել երկնքի մասին. Ինչպիսի՞ն է երկինքը, երբ ցերեկ է: Ինչպիսի՞ն է երկինքը, երբ գիշեր է
• Ստեղծագործական աշխատանք․ հորինել հանելուկներ

Աշխատանք գրական ստեղծագործությունների հետ

• Ներկայացնել, բացատրել անհասկանալի բառերը
• Գրական ստեղծագործությունները յուրացնել խաղ-բեմականացման միջոցով

Կերպարվեստ, տեխնոլոգիա և մեդիատեխնոլոգիա

• Նկարել մեր տեսած երկինքը, իսկ որպես նախագծի ամփոփում՝ տիեզերքը: Աշխատել գուաշով և ջրաներկով:
• Հաջորդ քայլը համակարգչային Paint ծրագրով աշխատել: Յուրացնել հիմնական գործիքների ֆունկցիաները, կարողանալ պահպանել աշխատանքները համակարգչում:
• Նկարել Արև, Լուսին, գիշեր, ցերեկ։
• Դիտել ուսումնական մուլտֆիլմ աստղագիտության մասին:

Մաթեմատիկական գործունեություն

Էլեկտրոնային առաջադրանքներ առարկաների տարածական առնչությունների վերաբերյալ ( վերև-ներքև, առաջ-ետ, աջ-ձախ, բարձր-ցածր, մոտ-հեռու, ներս-դուրս, վրա-տակ, միջև-մեջտեղ, մեծ-փոքր):