Խնկոյանական օրերն առաջին դասարանում
Տևողությունը՝ հոկտեմբեր, նոյեմբեր
Խնդիրները`
- Ծանոթանալ Աթաբեկ Խնկոյանի ստեղծագործություններին
- Բառապաշարի հարստացում
- Գրական ճաշակի ձևավորում ու զարգացում
- Ստեղծագործական երևակայության, բանավոր խոսքի, տեխնոլոգիական, մեդիատեխնոլոգիական, բնագիտական, երաժշտական հմտությունների զարգացում
- Խմբային /դասարանական/ մեդիանյութերի, մեդիափաթեթների ստեղծում
Ծանոթանալ Խնկո Ապեր հայ մանկագրին, ստեղծագործությունների ընթերցում:
Համացանցում որոնել խնկոյանական ստեղծագործությունների մեդիատարբերակներ, այլ սովորողների կողմից պատրաստած մեդիանյութեր, մեդիանյութերի դիտում, քննարկում:
Ստեղծագործությունների ցանկ
- Ծիածան
- Պապն ու շաղգամը
- Գիշեր
- Աքաղաղն ու կտուրը
- Լուսին
Սպասվելիք արդյունքները
Բանաստեղծությունները սովորել կենդանի խաղի, բեմականացման, նկարելու միջոցով:
Paint նկարչական ծրագրով նկարում ենք մեր սովորած բանաստեղծություններից հատվածներ, ձայնագրիչով ձայնագրում բանաստեղծությունը: Ստեղծագործությունները ներկայացնում ենք մատնաթատրոնով, խաղ-բեմադրությամբ: Նախագծի արդյուքները հրապարակում ենք դասարանական բլոգում, Հյուսիսային դպրոցի ենթակայքում:
Ընտանեկան նախագիծ
Խնկոյանի ստեղծագործություններից հայրիկները, մայրիկները ընտրում են իրենց ամենասիրելի ստեղծագործությունները, կարդում են սովորողի համար, այնուհետեւ ձայնագրում են, մեդիաֆիլմ կամ աուդիոգիրք են ստեղծում։
Խմբային նախագծեր
Ստեղծագործություններին ծանոթանալուց, սովորելուց և քննարկելուց հետո սովորողներն աշխատում են խմբերով: Կավով ծեփել, գունավորել կերպարներին, պատրաստել անհրաժեշտ դեկորացիան: Թվային ֆոտոխցիկով նկարել հերոսների խաղ-ներկայացումը ու արդյունքում ստանալ մեդիաներկայացում:
Նախագծի իրականացման ընթացքում ստեղծված մեդիանյութերը հրապարակվում են դասարանական բլոգում, ենթակայքում: