Տևողություն՝ մեկ շաբաթ:
Մասնակիցներ՝ առաջին դասարանի ընտանեկան դպրոցներ:
Նպատակը՝ ուսումնական աշխատանքներում ընտանիքի ներգրավվածության ու ընտանեկան կրթության կազմակերպումն է:
Խնդիրներն են՝
- գրավոր ու բանավոր խոսքի զարգացում.
- ստեղծագործական երևակայության զարգացում.
- տեխնոլոգիական, մեդիատեխնոլոգիական հմտությունների կիրառում, զարգացում.
- բնության, շրջակա միջավայրի նկատմամբ հոգատար վերաբերմունքի ձևավորում.
- դիտարկելու,ուսումնասիրելու, արձանագրելու, վերլուծելու կարողությունների ձևավորում ու զարգացում
Նախագծի ուղղությունները՝
Գարնանային ֆոտոշարքեր
- Իմ գարունը (լուսանկարել գարնանային տարբեր պատկերներ. մինչև 10 (լուսանկար):
- Մի ծառի ֆոտոպատմություն (ընտրել մեկ ծառ ու յոթ օր լուսանկարել այդ ծառը, ներկայացնել յոթ լուսանկար, ինչպես նաև փոքրիկ տեսանյութ, որտեղ կպատմես, թե ինչի՞ ծառ է, որտե՞ղ է աճում, ո՞վ է տնկել, և այդ օրերի ընթացքում ծառի հետ ի՞նչ փոփոխություններ են տեղի ունեցել):
Մեր տան սենյակային բույսերը
Պատմի՛ր ու ներկայացրո՛ւ, թե տանը ընտանիքիդ անդամներիդ հետ ի՞նչ սենյակային բույսեր ունեք, ինչպե՞ս եք խնամում: Տեսագրությունդ ուղարկի՛ր իմ էլեկտրոնային հասցեին:
Էլեկտրոնային այբբենարանի ստեղծում
Առաջարկում եմ հավաքել Paint նկարչական ծրագրով նկարված նկարները և ստեղծել քո անհատական էլեկտրոնային այբբենարանը:
Աշխատանքի ընթացքի նկարագրությունը սովորողների էլ. փոստին կստանան մեթոդական նամակով:
«Իմ գրադարանը»
Սովորողներն ընտրում են Ամանորի նվեր-գրքից հեքիաթ, կարդում են հեքիաթը բաժանում մասերի և ամենաշատ դուր եկած հատվածը տեսագրում «Իմ գրադարանը» նախագծի համար:
Զատիկը իմ ընտանիքում. նախապատրաստական աշխատանքներ.
- Զատկական խոհանոց.համեղ բաղադրատոմսեր
- Զատկական ձևավորումներ
- Ընտանեկան ավանդույթներ. ինչպե՞ս ենք Զատիկը նշում մեր ընտանիքում:
«Ուսումնական գարուն» նախագծի աշխատանքները որպես ամփոփում կհրապարակվեն դասարանական բլոգում մինչև մարտի 26-ը: